ఏపీ ప్రభుత్వం నిర్వహించిన మెగా స్పోర్ట్స్ ఈవెంట్ విజయనగరం జిల్లాకు చెందిన ఒక గ్రామ స్థాయి క్రీడాకారుడికి వరంగా మారింది. ప్రస్తుతం అతను మెగా క్రికెట్ పండుగ ఐపీఎల్‌లో పాల్గొనే అవకాశం కోసం ఎదురు చూస్తున్నాడు. జామి మండలం అలమండ గ్రామానికి చెందిన కె.పవన్ (21) ఆడుదాం ఆంధ్రాలో క్రికెట్ మ్యాచ్ ఆడుతూ బౌలింగ్, ఫీల్డింగ్‌లో రాణిస్తున్నాడు.
పరిశీలకులు, క్రికెట్ నిపుణులు అతని ప్రతిభకు ముగ్ధులయ్యారు. అతని పేరును ఐపీఎల్ ఫ్రాంచైజీలలో ఒకటైన చెన్నై సూపర్ కింగ్స్ (సీఎస్కే)కు సిఫార్సు చేశారు. దీంతో పవన్‌ను జట్టులోకి తీసుకునేందుకు సీఎస్కే ముందుకు వచ్చింది.
