ఈ సంద‌ర్భంగా ఈవో మాట్లాడుతూ.. శ్రీ‌వారి ద‌ర్శ‌నార్థం వ‌చ్చే భక్తులకు పార్కింగ్ స‌మ‌స్య త‌లెత్త‌కుండా తిరుప‌తిలోని అలిపిరిలో, తిరుమ‌ల‌లోని అనువైన ప్రాంతంలో మ‌ల్టీలెవ‌ల్ కార్ పార్కింగ్ ఏర్పాటు చేయాల‌ని ఆదేశించారు. తిరుమ‌ల‌లో భక్తులకు క‌నువిందు చేసేలా ముఖ్య కూడ‌ళ్ల‌లో ఎత్తుగా పెరిగే బంతి పూల మొక్క‌లు పెంచాల‌న్నారు.
ఎస్వీబీసీలో ఒక సంవ‌త్స‌ర కాలానికి అవ‌స‌ర‌మైన కార్య‌క్ర‌మాల‌తో కార్యాచ‌ర‌ణ ప్ర‌ణాళిక సిద్ధం చేయాల‌ని ఎండిని కోరారు. టిటిడిలోని పాత రికార్డుల‌ను డిజిటైజేష‌న్ చేయాల‌న్నారు. స‌ప్త‌గిరి మాస‌ప‌త్రిక పాఠ‌కాస‌క్తి పెంచేందుకు వీలుగా మంచి పండితులు, ర‌చ‌యిత‌ల‌తో వ్యాసాలు రాయించాల‌ని సూచించారు.
