పిన్నెల్లి విడుదలకు ముందు మాజీ మంత్రులు కాకాణి గోవర్ధన్‌రెడ్డి, అనిల్‌కుమార్‌ జైలుకు వెళ్లి పరామర్శించారు. ఏపీ హైకోర్టు శుక్రవారం బెయిల్ మంజూరు చేసినప్పటికీ, విధానపరమైన పరిమితుల కారణంగా జైలు విడుదల ఆలస్యమైంది. పిన్నెల్లి విడుదల కారణంగా ఎలాంటి అవాంఛనీయ సంఘటనలు జరగకుండా జైలు చుట్టూ అధికారులు కట్టుదిట్టమైన భద్రతా చర్యలు చేపట్టారు.
కాగా.. మే 13న ఏపీ అసెంబ్లీ ఎన్నికల సందర్భంగా పాల్వాయిగేట్ పోలింగ్ కేంద్రంలో ఎలక్ట్రానిక్ ఓటింగ్ మిషన్లు (ఈవీఎంలు), ఓటర్ వెరిఫైడ్ పేపర్ ఆడిట్ ట్రయల్స్ (వీవీపీఏటీలు) ధ్వంసం చేయడంతో పిన్నెల్లిని అరెస్టు చేశారు. అలాగే మే 14న కారంపూడిలో టీడీపీ ఏజెంట్ శేషగిరిరావుపై దాడి, సర్కిల్ ఇన్‌స్పెక్టర్ (సీఐ)పై దాడికి పాల్పడ్డారు.
