వర్షం కారణంగా లోతట్టు ప్రాంతాలన్నీ జలమయ్యాయి. శ్రీవారి ఆలయ పరిసరాలు, మాఢవీధులు, లడ్డూ వితరణ కేంద్రం, తిరుమల రహదారుల్లో వర్షపు నీరు భారీగా చేరుకోవడంతో వర్షపు నీటిని బయటకు పంపే ప్రయత్నం చేస్తున్నారు.
తిరుమలలోని యాత్ర ప్రదేశాలు వీక్షించేందుకు కూడా భక్తులు మక్కువ చూపడం లేదు. వసతి గదుల్లోనే భక్తులు పరిమితం అవుతున్నారు. భారీ వర్షాలు కురుస్తున్న నేపథ్యంలో అలిపిరి నడకమార్గం, శ్రీవారి మెట్లు మార్గాన్ని మూసివేశారు.
