అదేవిధంగా గత జూన్ నెలలో విడుదల చేసిన జాబ్ క్యాలెండరులోకి మరిన్ని పోస్టులను చేర్చాలని నిర్ణయించింది. ఈ మేరకు 1,180 పోస్టులను భర్తీ చేసేందుకు ఏపీపీఎస్సీకి అనుమతిస్తూ ఆర్థిక శాఖ ఈ రోజు ఉత్తర్వులను జారీ చేసింది.
ఈ ఖాళీల్లో రెవెన్యూ విభాగంలో జూనియర్ అసిస్టెంట్లతో పాటు గ్రూప్-1, గ్రూప్-2 పోస్టులు ఉన్నాయి. ఈ ఉద్యోగాలకు ఆర్థికంగా వెనుకబడిన వర్గాలకు చెందిన (EWS) రిజర్వేషన్లను అమలు చేయాలని ప్రభుత్వ ఉత్తర్వుల్లో స్పష్టంచేసింది. ఈ ఉద్యోగాలకు సంబంధించిన నోటిఫికేషన్ ఆగస్టు నెలలో విడుదలయ్యే అవకాశం ఉంది.
