తిరుమల శ్రీవారిని దర్శించుకునే భక్తుల సంఖ్య విపరీతంగా వుంటుంది. ఇంకా శ్రీ వేంకటేశ్వర స్వామిని దర్శించుకునే భక్తులు భారీ స్థాయిలో మొక్కుబడుల పేరిట కానుకలు హుండీల్లో వేస్తుంటారు. ఇంకా విరాళాలు ఇస్తుంటారు. వందలాది ఏళ్లుగా ఏడుకొండల స్వామికి కానుకలు, డబ్బు ఇచ్చే భక్తుల సంఖ్య అమాంతం పెరుగుతూ వస్తోంది.
తిరుపతి దేవస్థానం హుండీలో కాసుల వర్షం కురుస్తోంది. ఈ నేపథ్యంలో తిరుమల తిరుపతి దేవస్థానం (టీటీడీ)కి 2023-24 ఏడాదిలో రికార్డు స్థాయి ఆదాయం వచ్చింది. 2023-24 ఏడాదికి గాను రూ.1,161కోట్లు, 1,031 కేజీల బంగారం శ్రీవారి హుండీ ద్వారా వచ్చినట్లు సమాచారం.
దీంతో టీటీడీ బ్యాంక్ డిపాజిట్లు భారీ స్థాయిలో పెరిగింది. మొత్తానికి ప్రస్తుతం ఏటా లభించే వడ్డీ రూ.1,200 కోట్లు దాటిందట. ఇంకా తిరుమల తిరుపతి దేవస్థానం ట్రస్ట్ ఫిక్స్డ్ డిపాజిట్ల ద్వారా రూ. 1600 కోట్లకు పైగా సంపాదిస్తుంది.
