భారతీ ఎయిర్టెల్ బ్రాడ్‌బ్యాండ్‌ సర్వీస్‌ ఎక్స్‌ట్రీమ్‌ ఫైబర్‌ కొత్త వినియోగదారులను ఆకర్షించేందుకు సరికొత్త ప్లాన్‌ను ప్రకటించింది. ఎక్స్‌ట్రీమ్‌ ఫైబర్‌ ప్లాన్ పేరుతో రూ.1,000లోపు ధర కలిగిన ప్లాన్లను ప్రకటించింది. ఇందులో బ్రాడ్‌బ్యాండ్‌ ప్లాన్ రూ.499 ఒకటి. ఇందులో 40 ఎంబీపీఎస్ వేగంతో నెలకు 3.3 టీబీ డేటా లభిస్తుంది. వింక్ మ్యూజిక్‌, అపోలో 24/7 అదనపు ప్రయోజనాలు. రూ.వెయ్యి లోపువున్న మరో ప్లాన్ రూ.699. దీంట్లోనూ 40 ఎంహీరీఎస్ వేగంతో ఇంటర్నెట్‌ను ఎంజాయ్‌ చేయొచ్చు. హెచ్‌డీతో కలిపి 350కి పైగా టీవీ ఛానళ్లను వీక్షించొచ్చు. డిస్నీ+ హాట్స్టార్ సహా 20కి పైగా ఓటీటీలను ఎంజాయ్‌ చేయొచ్చు.
ఎయిర్టెల్ ఎక్స్‌ట్రీమ్‌ ఫైబర్‌లో రూ.799తోనూ ఓ ప్లాన్ అందుబాటులో ఉంది. దీంట్లో ఇంటర్నెట్‌ వేగం 100 ఎంబీపీఎస్. నెలకు 3.3 టీబీ డేటా లభిస్తుంది. వింక్ మ్యూజిక్‌, ఎక్స్‌ట్రీమ్‌ ప్లే సబ్‌స్క్రిప్షన్‌ అదనపు ప్రయోజనాలు. వీటితో పాటు మరిన్ని ప్రయోజనాలు కావాలంటే రూ.899 ప్లాన్‌ను పరిశీలించొచ్చు. దీంట్లో డిస్నీ+ హాట్స్టార్, అమెజాన్‌ ప్రైమ్‌ సహా 20కి పైగా ఓటీటీలు ఉంటాయి. డీటీహెచ్‌లో భాగంగా హెచ్‌డీతో కలిపి 350కి పైగా ఛానళ్లను వీక్షించొచ్చు.
వీటిన్నింటినీ ఆరు లేదా 12 నెలల వ్యాలిడిటీతో ఒకేసారి తీసుకుంటే వైఫై రూటర్‌, ఇన్‌స్టలేషన్‌ ఉచితంగా అందిస్తారు. అలాగే అన్ని ప్లాన్లలో ఫిక్స్‌డ్‌లైన్ వాయిస్‌ కాలింగ్‌ కనెక్షన్‌ ఉచితం. అయితే, ల్యాండ్‌లైన్‌కు సంబంధించిన పరికరాలను మాత్రం సొంతంగా కొనుగోలు చేయాల్సి ఉంటుంది.
