బంగ్లాదేశ్ క్రికెటర్ అరాఫత్ సన్నీ మరోసారి అరెస్ట్ కానున్నట్లు సమాచారం. భార్యను కట్నం కోసం వేధింపులకు గురిచేసిన కారణంతో అతను అరెస్ట్ అయ్యే అవకాశాలున్నట్లు వార్తలు వస్తున్నాయి. వివరాల్లోకి వెళితే.. 2014 డిసెంబర్ 4న నస్రీన్ సుల్తానాతో అరాఫత్ సన్నీకి వివాహమైంది. నస్రీన్ సుల్తానా తల్లిదండ్రుల వరకట్నంగా బంగ్లా కరెన్సీలో 5.1 లక్షల టాకాలను ఇచ్చారు.
కానీ ప్రస్తుతం అదనపు కట్నం కోసం వేధిస్తున్నాడు. రూ.20 లక్షల టాకాలు తీసుకురావాలని సన్నీ, అతని తల్లి ఆమెను వేధించడం ఆరంభించారు. దీంతో ఆమె ఈ ఏడాది జనవరి 5న పోలీసులకు ఫిర్యాదు చేసింది. దీనిపై దర్యాప్తు చేసిన పోలీసులు అదేనెల 22న అతనిని అరెస్టు చేశారు. అనంతరం వివాదం పరిష్కరించుకున్నామని చెప్పడంతో మార్చిలో అతనిని బెయిల్‌పై విడుదల చేశారు.
