దాయాది జట్టు చేతిలో ఓటమిని అసలు జీర్ణించుకోలేరు. సెమీస్ చేరకుండానే భారత్ కథ ముగియగా.. తాజాగా కప్పు నెగ్గుతుందని భావించిన పాక్ జట్టు రెండో సెమీఫైనల్లో ఆస్ట్రేలియా చేతిలో ఓటమితో నిరాశగా ఇంటిబాట పట్టింది. టీ20 వరల్డ్‌కప్‌లో భాగంగా గురువారం రాత్రి జరిగిన రెండో సెమీఫైనల్లో పాకిస్తాన్‌పై ఆస్ట్రేలియా ఐదు వికెట్లతో విజయం సాధించింది.
మొదట బ్యాటింగ్ చేసిన పాకిస్తాన్ 20 ఓవర్లలో 4 వికెట్ల నష్టానికి 176 పరుగులు చేయగా.. ఆస్ట్రేలియా 19 ఓవర్లలోనే లక్ష్యాన్ని ఛేదించింది. 19వ ఓవర్లో మాథ్యూ వేడ్ హ్యాట్రిక్ సిక్సర్లు బాదడంతో మరో 6 బంతులు మిగిలుండగానే ఆసీస్ ఫైనల్ చేరుకుంది. ఫైనల్లో న్యూజిలాండ్ జట్టుతో కంగారూలు తలపడనున్నారు. ఏ జట్టు గెలిచినా సరికొత్త ఛాంపియన్‌గా అవతరిస్తుంది.
