world cancer day: కేన్సర్ లక్షణాలు ఏమిటి? మహమ్మారి కరోనా కారణంగా...
శుక్రవారం, 4 ఫిబ్రవరి 2022 (10:55 IST)
కోవిడ్ మహమ్మారి కారణంగా ప్రపంచవ్యాప్తంగా అనేక ముఖ్యమైన ఆరోగ్య సేవలకు అంతరాయం కలిగింది. వీటిలో క్యాన్సర్ సేవలను ముందుగానే గుర్తించడం ఒకటి. మహమ్మారి కారణంగా అనేక అభివృద్ధి చెందిన దేశాలలో సాధారణ క్యాన్సర్ స్క్రీనింగ్‌లు పడిపోయాయి. ముఖ్యమైన ఆరోగ్య సమస్యలు అనుకోకుండా నిర్లక్ష్యం చేయబడుతున్నాయి. క్యాన్సర్ ఉన్న రోగులకు మరణాలు, ఇతర ఫలితాలపై ప్రభావం చూపుతుంది.
మహిళల రొమ్ము క్యాన్సర్ కేసులు ఊపిరితిత్తుల క్యాన్సర్ కేసులను ఓడించింది. దీనికి కారణం కరోనావైరస్. ముందస్తుగా గుర్తించడంలో జాప్యం చోటుచేసుకోవడంతో రొమ్ము కేన్సర్ పెట్రేగిపోయింది. ఆసియా ఉపఖండంలో భారతదేశంలో అత్యధికంగా రొమ్ము క్యాన్సర్ కేసులు 1,78,361గా నమోదయ్యాయి. రోగనిర్ధారణ సమయం కూడా మూడు లేదా నాలుగో దశలో గుర్తించడం జరుగుతోంది.
ప్రపంచ ఆరోగ్య సంస్థ అధ్యయనం ప్రకారం ప్రతి 10 మందిలో ఒకరికి జీవితకాలంలో క్యాన్సర్ వచ్చే అవకాశం ఉందని నిర్ధారించింది. అధునాతన చికిత్సలు అందుబాటులో ఉన్న సమయంలోనూ, వ్యాధి పూర్తిగా నయం చేయగలిగే సమయంలో, ఈ డేటా ఆందోళనకరంగా ఉందని ఆంకాలజిస్టులు అంటున్నారు.
మన దేశం విషయానికి వస్తే ప్రతి 10 మంది భారతీయుల్లో ఒకరు ఈ వ్యాధి బారిన పడుతుంటే, వ్యాధి సోకిన 15 మందిలో ఒకరు చనిపోతున్నట్లు వెల్లడించింది. ఈ ప్రాణాంతక కేన్సర్‌కు కారణమేమిటో ఇప్పటివరకూ ఎవరూ స్పష్టంగా కనుక్కోలేకపోయారు. అయితే కేన్సర్‌కు దారితీసే కొన్ని అంశాలను మాత్రం కనిపెట్టారు. అవి ఏమిటో చూద్దాం.
1. పొగాకు వాడటం
2. మద్యపానం
3. వాతావరణంలో ఉండే గామా కిరణాలు, అల్ర్టావయొలెంట్‌ కిరణాలు శరీరానికి సోకడంవల్ల.
4. దైనందిన జీవితంలో మనం తాగే పానీయాలు, తినే ఆహార పదార్థాలలో కలిసిన కొన్ని రసాయనిక పదార్థాలవల్ల.
5. ఎండలో ఎక్కువగా తిరగడంవల్ల (చర్మం కేన్సర్ కలిగే అవకాశం)
6. కొన్ని రకాల వైరస్‌ల కారణంగా (హెచ్‌ఐవి, హెపటైటిస్‌ బి, హెర్పెస్‌ వంటి వైరస్‌లు)
కేన్సర్ అంటే?
మనిషి శరీరంలో కణవిభజన అనేది నిరంతర ప్రక్రియ. మన దేహంలో రోజూ 1012 కణాలు నిర్జీవమవుతూ ఉంటాయి. వాటి స్థానంలో అంతే సంఖ్యలో కొత్త కణాలు పుట్టుకొస్తాయి. ఒకవేళ- ఇలా కొత్తగా పుట్టే కణాల సంఖ్య, నిర్జీవమయ్యే కణాల సంఖ్యకంటే ఎక్కువగా ఉంటే, అలా ఆగకుండా జరుగుతుంటే దీనినే కేన్సర్ అంటారు.
కేన్సర్ లక్షణాలు:
1. అకస్మాత్తుగా తలనొప్పి కలగడం. వాంతులు, కంటిచూపు మందగించడం- ఈ లక్షణాలు బ్రెయిన్‌ ట్యూమర్‌ను వెల్లడిస్తాయి.
2. కంటిపై తెల్లటి పొర కనిపిస్తుంది (పిల్లి కళ్ళ మాదిరిగా)- ఇది రెటినా బ్లాస్టోమ్‌ అంటే కంటి కేన్సర్ తొలి లక్షణం.
3. నాలుక పక్కన పుండు ఏర్పడి, నోరు తెరవడం, నాలుక మెదపడం కష్టం కావడం- ఇది నాలుకపై వచ్చే కేన్సర్ ప్రాథమిక లక్షణం.
4. గొంతువాపు, తరచూ జ్వరం రావడం, చెమటలు పట్టడం- ఈ లక్షణాలు థైరాయిడ్‌ కేన్సర్‌ను బయటపెడతాయి.
5. అకస్మాత్తుగా మాటలో మార్పు రావడం, గొంతు మారడాన్ని బట్టి గొంతు కేన్సర్ (ప్రత్యేకించి స్వరపేటిక కేన్సర్)ను గుర్తించవచ్చు.
6. ఆహారం మింగడం కష్టం కావడం. ద్రవపదార్థాలను మింగడం కూడా కష్టంగా మారడాన్ని బట్టి ఈసోఫేగస్‌ కేన్సర్ (ఆహార నాళంలో కేన్సర్)ను గుర్తించవచ్చు.
7. జ్వరం, దగ్గుతో పాటు రక్తం పడటం- ఈ లక్షణాలు ఊపిరితిత్తుల కేన్సర్‌వి.
8. వక్షోజాలలో గడ్డ (కణితి) ఏర్పడడం, చనుమొన నుండి రక్తం కారడం- బ్లడ్ కేన్సర్ లక్షణాలు.
