ఆంధ్రప్రదేశ్ రాష్ట్రంలో నకిలీ మందుల విక్రయాలు జోరుగా సాగుతున్నాయి. ముఖ్యంగా నవ్యాంధ్ర రాజధాని అమరావతిని కేంద్రంగా చేసుకుని కొందరు డిస్ట్రిబ్యూటర్లు నాసిరకం మందులను యధేచ్చగా సరఫరా చేస్తున్నారు. ముఖ్యంగా గుంటూరు, విజయవాడ ప్రాంతాలు కూడా నకిలీ మందులకు అడ్డాగా మారుతోందని ఔషధ తనిఖీ నియంత్రణ శాఖ అధికారుల తాజా తనిఖీల్లో గుర్తించారు.
ఈ నకిలీ మందుల్లో మధుమేహం, అధిక రక్తపోటు, యాంటీ బయోటిక్‌లు, కడుపు ఉబ్బరం తగ్గించే, ఎముకల బలానికి వాడే మందులు ఉన్నాయి. సిప్లా, అరిస్టో, ఆల్కెమ్‌, సన్‌‌ఫార్మా వంటి ప్రముఖ కంపెనీలకు చెందిన మందులను పోలిన నకిలీలను వీటిలో గుర్తించారు. మరికొన్ని కంపెనీలను పోలిన నకిలీ మందులు కూడా ఈ జాబితాలో ఉన్నాయి. ప్రస్తుతం ఈ ప్రాంతాల్లో చెలామణి అవుతున్న నకిలీ మందుల వివరాలను పరిశీలిస్తే,
