చాలామంది చలికాలంలో అనారోగ్యాల బారినపడుతుంటారు. ఒక్కసారిగా వాతావరణంలో వచ్చిన మార్పులతో పాటు మంచు, చలి, సూర్యరశ్మి తక్కువగా ఉండటం వల్ల ఈ పరిస్థితి ఏర్పడుతుంది. ఇలాంటి సమయంలో తీసుకునే ఆహారంలో స్వల్ప మార్పులు చేసుకుంటే అనారోగ్యంబారిన పడకుండా ఉండొచ్చు.
చలికాలంలో జలుబు, దగ్గు వంటివి సాధారణం. వాతావరణంలో మార్పులు, చల్లటి గాలులు, సూర్యరశ్మి తక్కువగా ఉండడమే అందుకు కారణం. ఆహారంలో కొన్ని మార్పులు చేసుకుంటే ఈ చిన్న చిన్న అనారోగ్యాల బారిన పడకుండా రక్షణ పొందొచ్చు. అవేంటో ఓసారి చూద్ధాం.
అల్లం : తేనె కలిపిన అల్లం ముక్కలను లేదా అల్లం రసంగానీ రోజూ తీసుకున్నట్టయితే దగ్గు, జలుబు వంటి సమస్యలు తగ్గిపోతాయి. జీర్ణశక్తి సమస్యలు కూడా పరిష్కరమవుతాయి.
పసుపు : ప్రతి రోజూ రాత్రి నిద్రపోయే ముందు... ఓ గ్లాసు పాలలో చిటికెడు పసుపు కలుపుకుని తాగితే జలుబు, దగ్గు, తలనొప్పి వంటి సమస్యలు తగ్గిపోవడమే కాకుడా, రోగ నిరోధకశక్తి కూడా తగ్గిపోతాయి.
చిలగడదుంప : చలికాలంలో వీటిని క్రమంగా తీసుకున్నట్టయితే ఉబ్బరం సమస్య నుంచి ఉపశమనం లభిస్తుంది. వ్యాధి నిరోధక శక్తి కూడా పెరుగుతుంది. వీటిలో అధికంగా పీచుపదార్థం, విటమిన్ ఏ, పొటాషియం వంటి అధికంగా ఉంటాయి.
నువ్వులు : శరీరాన్ని వెచ్చగా ఉంచడంలో నువ్వులు బాగా పని చేస్తాయి. వారంలో మూడు రోజుల పాటు నూనెతో శరీరాన్ని బాగా మర్దన చేసుకుని స్నానం చేసినట్టయితే శరీరంలో వేడి పెరిగి, చలి నుంచి రక్షణ కల్పిస్తుంది.
ఎండు పండ్లు : జీడిపప్పు, వాల్ నట్స్, బాదం పప్పు, ఎండుద్రాక్ష, ఖర్జూరాలు వంటివి పరిమితంగా తీసుకుంటే... శరీరానికి పోషకాలు, చర్మానికి అవసరమైన నూనెలు వీటిలో పుష్కలంగా ఉంటాయి. ఇలాంటి చిట్కాలతో చలికాలంలో అనారోగ్యం బారినపడకుండా ఉండొచ్చు.
