స్మగ్లర్లు తమ లక్ష్యాలను చేరుకునేందుకు వివిధ రకాల కొత్త టెక్నిక్స్‌ను అనుసరిస్తున్నారు. వాటిని ఎయిర్‌పోర్టు కస్టమ్స్ అధికారులు చాకచక్యంగా గుర్తించి ఛేదిస్తున్నారు. తాజాగా ఓ వ్యక్తి కొకైన్‌ను కండోమ్‌ల ద్వారా స్మగ్లింగ్ చేసేందుకు ప్రయత్నించి విమానాశ్రయ అధికారులకు చిక్కారు. ఆ కండోమ్స్ అన్నీ కూడా అతని కడుపులో ఉండటనాన్ని గుర్తించారు.
తాజాగా వెలుగులోకి వచ్చిన ఈ వివరాలను పరిశీలిస్తే, దుబాయి నుంచి ఈజిప్టుకు వెళ్లేందుకు ఓ యువకుడు వచ్చాడు. అతని పాస్‌పార్టును ఇమ్మిగ్రేషన్ అధికారులు తనిఖీ చేశారు. ఆ సమయంలో ఆయన కడుపులో ఏదో పదార్థం ఉన్నట్టు అనుమానించారు. పిమ్మట ఆయన్ను వేరే గదికి దీసుకెళ్లి స్కానింగ్ చేశారు.
ఈ స్కానింగ్‌లో అతని కడుపులో కండోమ్స్ ఉన్నట్టు గుర్తించారు. వీటిని వైద్యులకు చూపించగా, వారు షాకయ్యారు. అతని కడుపులో ఉన్న కండోమ్‌ల నిండా కొకైన్ కుక్కివున్నట్టు గుర్తించారు. ఆ తర్వాత అతని కడుపులో నుంచి 80 కండోమ్స్‌ను వెలికి తీశారు.
