తాజాగా వెలుగులోకి వచ్చిన ఈ వివరాలను పరిశీలిస్తే, బ్రిటన్ ఆరోగ్య మంత్రిగా మ్యాట్‌ హ్యాన్‌కాక్‌ రాజీనామా చేశారు. గత నెలలో తన కార్యాలయంలో ఓ మహిళను హ్యాన్‌కాక్‌ ముద్దాడుతున్న సీసీటీవీ ఫుటేజీ ఫొటోలను ఓ పత్రిక శుక్రవారం ప్రచురించింది.
హ్యాన్‌కాక్‌కు ఆమె గతంలో స్నేహితురాలు. అయితే.. కుటుంబ సభ్యులు కానివారితో ఇండోర్‌(ఇల్లు, కార్యాలయం.. లోపల)లలో కూడా సన్నిహితంగా ఉండరాదనే నిబంధన ఈ సంఘటన జరిగినప్పటికి(మే 6నాటికి) అమలులోనే ఉంది. దీంతో.. కరోనా నిబంధనలను మంత్రి ఉల్లంఘించారనే విమర్శలు వెల్లువెత్తాయి. ఫలితంగా ఆయన తన మంత్రిపదవికి రాజీనామా చేశారు.
