క్రిస్ గేల్ అంటేనే సిక్సర్ల వీరుడు అనే పేరుంది. ఇవాళ ముంబై ఇండియన్స్తో జరిగిన మ్యాచ్లో గేల్ ఓ రికార్డు సృష్టించాడు. ఐపీఎల్ క్రికెట్టులో 300 సిక్సర్లు కొట్టిన ఆటగాడిగా చరిత్ర సృష్టించాడు. ఇప్పటివరకూ క్రిస్ గేల్ 302 సిక్సర్లతో అగ్రస్థానంలో వున్నాడు. ఆ తర్వాత డివిల్లియర్స్ 192 సిక్సర్లు, ధోనీ 187 సిక్సర్లు, సురేష్ రైనా 186 సిక్సర్లు, రోహిత్ శర్మ 185 సిక్సర్లతో వరుసగా వున్నారు.
177 పరుగుల విజయ లక్ష్యంతో బరిలో దిగిన కింగ్స్ లెవన్ ఆది నుంచే దూకుడుగా ఆడింది. ఇక్కడ విశేషం ఏంటంటే... ఓపెనర్గా దిగిన రాహుల్ 57 బంతుల్లో 4 ఫోర్లు, ఒక సిక్సర్ సాయంతో 71 పరుగులు చేసి నాటవుట్గా నిలవడం. గేల్ కూడా ముంబై ఇండియన్స్ బౌలర్లను అల్లాడించేశాడు. 24 బంతుల్లో 3 ఫోర్లు 4 సిక్సర్లు ఉతికి 40 పరుగులు చేశాడు. ఆ తర్వాత అగర్వాల్ కూడా అదే దూకుడు సాగిస్తూ 4 ఫోర్లు, 2 సిక్సర్లతో 43 పరుగులు చేశాడు. మిల్లర్ 14 పరుగులతో నాటవుట్గా నిలిచాడు. కేవలం నలుగురంటే నలుగురు ఆటగాళ్లు కింగ్స్ లెవన్ జట్టుకు విజయం సాధించిపెట్టేశారు.