ముంబై ఇండియన్స్‌కు కెప్టెన్సీ మార్పు సోషల్ మీడియాలో పెను దుమారాన్నే రేపింది. ముంబై ఇండియన్స్‌కు ఐదు ఐపీఎల్ టైటిల్స్ అందించిన రోహిత్ శర్మ స్థానంలో హార్దిక్ పాండ్యా ఎంపిక కావడాన్ని రోహిత్ ఫ్యాన్స్ జీర్ణించుకోలేకపోయారు. గుజరాత్ టైటాన్స్‌కు ఒక టైటిల్, ఓ ఫైనల్‌ వరకు నడిపించిన హార్దిక్ పాండ్యాను ఎంపిక చేయడంపై ముంబై ఇండియన్స్ ఫ్రాంచైజీపై ఫ్యాన్స్ మండిపడ్డారు.
ముంబైలోని వాంఖడే స్టేడియంలో ముంబై ఇండియన్స్ తమ మొదటి శిక్షణా సెషన్‌కు సిద్ధమవుతున్న తరుణంలో, కెప్టెన్సీ మార్పు తర్వాత పాండ్యా- రోహిత్ ఇద్దరూ మొదటిసారి కలుసుకున్నారు. ఈ వీడియో ప్రస్తుతం నెట్టింట వైరల్ అవుతోంది.
