ప్రముఖ టెలికాం సంస్థ ఎయిర్టెల్ రేటింగ్ పడిపోయింది. బాండ్ రేటింగ్‌లో అతి తక్కువ రేటింగ్ ఇవ్వడంతో శుక్రవారం నాటి ట్రెండింగ్‌లో ఎయిర్టెల్ కౌంటర్ దాదాపు ఐదు శాతానికి పడిపోయింది. మూడీస్ ఎయిర్‌టెల్‌కు బీఏఏఏ3 ర్యాంకింగ్‌ ఇచ్చింది. లాభాలు, క్యాష్‌ ఫ్లో బలహీనంగా ఉండనుందని మూడీస్ అంచనా వేసింది.
2018 సెప్టెంబర్‌తో ముగిసిన రెండో త్రైమాసికంలో సునీల్ మిట్టల్ నేతృత్వంలోని ఎయిర్టెల్ లాభాలు 65.4 శాతం క్షీణించిం రూ. 119 కోట్లను సాధించింది. గత ఏడాది ఇదే కాలంలో కంపెనీ నికర లాభం 343 కోట్ల రూపాయలుగా ఉంది. మొత్తం ఆదాయం రూ .20,422 కోట్లుగా నమోదైంది.
ఈ నేపథ్యంలో తమ సమీక్షలో ఎయిర్టెల్ లాభదాయకత, ప్రత్యేకంగా భారతీయ మొబైల్ సేవల లాభాలు క్షీణత, అధిక రుణభారం.. తరుగుతున్న మూలధన నిధుల కారణంగా ఈ అంచనాకు వచ్చినట్లు మూడీ వైస్ ప్రెసిడెంట్, సీనియర్ క్రెడిట్ ఆఫీసర్ అన్నాలిసా డిచియారా తెలిపారు. జియో వల్లే ఎయిర్టెల్ రేటింగ్ భారీగా పడిపోయిందని.. డేటా ఆఫర్లతో రిలయన్స్ జియోతో పోటీపడినా ఫలితం లేదని తేలింది.
