తాజాగా, ప్రముఖ స్మార్ట్ఫోన్ బ్రాండ్ ఒప్పో A53s పేరుతో 5G స్మార్ట్ఫోన్ను విడుదల చేసింది. ఈ స్మార్ట్ఫోన్ అమ్మకాలు ఈ రోజు మధ్యాహ్నం 12 గంటల నుంచి ఫ్లిప్కార్ట్లో ప్రారంభమయ్యాయి. కేవలం రూ.15,000లోపు 5జీ సపోర్ట్తో పాటు అద్భుతమైన ఫీచర్లను అందించడం విశేషం.
ఒప్పో A53s 5G స్మార్ట్ఫోన్లో 6.52 అంగుళాల హెచ్డీ ప్లస్ డిస్ప్లేను అందించింది. ఈ డిస్ప్లే 60 హెర్ట్జ్ రిఫ్రెష్ రేట్ కలిగి ఉంటుంది. మంచి 5జీ పర్ఫార్మెన్స్ అందించగల, మీడియా టెక్ డైమెన్సిటీ 700 SoC ఆక్టాకోర్ ప్రాసెసర్తో ఇది పనిచేస్తుంది. దీంట్లో 8GB ర్యామ్, 128GB ఆన్‌బోర్డ్ స్టోరేజ్ను అందించింది.
ఇక కెమెరా విషయానికి వస్తే.. దీని వెనుక 13 ఎంపి ట్రిపుల్ కెమెరా సెటప్ను చేర్చింది. ఈ ట్రిపుల్ రియర్ కెమెరాలో f/22 ఎపర్చర్ కలిగిన ఒక 13 ఎంపి మెయిన్ కెమెరా, 2 ఎంపి సెకండరీ కెమెరా, 2 ఎంపి మ్యాక్రో సెన్సార్ కెమెరాలను చేర్చింది. దీనిలో వాటర్‌డ్రాప్ తరహా సెల్ఫీ కెమెరాను కూడా అందించింది.
