టిక్ టాక్.. దీని గురించి తెలియని వారుండరు. వీడియో షేరింగ్ యాప్. చైనాకు చెందిన ఈ యాప్ అందుబాటులోకి వచ్చిన అనతికాలంలో మంచి పాపులారిటీని దక్కించుకుంది. అయితే, ఈ యాప్ వ్యక్తిగత భద్రతకు ముప్పు ఉందని భావించడంతో పలు దేశాలు ఈ యాప్‌పై నిషేధం విధించాయి. అయినప్పటకీ.. పేరు మార్చుకుని మళ్లీ వచ్చేందుకు నానా తంటాలు పడుతుంది.
అత్యధిక డౌన్ లోడ్లు పొందిన గ్లోబల్ టాప్-5 యాప్‌లలో టిక్ టాక్ ఒక్కటే ఫేస్‌బుక్‌కు చెందనిది. మిగతా నాలుగు యాప్‌లు ఫేస్‌బుక్‌కు చెందినవే. అవి ఫేస్‌బుక్, ఫేస్‌బుక్ మెసెంజర్, వాట్సాప్, ఇన్ స్టాగ్రామ్. వీటన్నింటిని అధిగమించిన చైనీస్ యాప్ టిక్ టాక్ వరల్డ్ వైడ్ పాప్యులారిటీతో దూసుకుపోతోంది.
2019లో డౌన్ లోడ్ల పరంగా టిక్ టాక్ నాలుగోస్థానంలో ఉంది. ఏడాది కాలంలో శరవేగంగా పైకి ఎగబాకింది. టిక్ టాక్‌‌ను అప్పటి అమెరికా అధ్యక్షుడు డొనాల్డ్ ట్రంప్ నిషేధించినప్పటికీ జోరు తగ్గకపోగా, మరింత ఎక్కువైంది. భారత్‌లోనూ టిక్ టాక్ నిషేధం ఎదుర్కొన్నప్పటికీ, పేరు మార్చుకుని తిరిగి వచ్చేందుకు ఆ యాప్ మాతృసంస్థ బైట్ డ్యాన్స్ ప్రయత్నాలు చేస్తున్నట్టు తెలుస్తోంది.
