భువనేశ్వర్ నగరానికి చెందిన ఓ వివాహిత తన బంగారం కుదువ పెట్టుకొని రుణం ఇవ్వాలని ఆలయపూజారి సరోజ్ కుమార్ దాస్‌ను సంప్రదించింది. రుణమిస్తాను రమ్మంటూ ఇంటికి పిలిచిన పూజారి వివాహితకు మత్తు మందు కలిపిన శీతల పానీయం ఇచ్చాడు. అది తాగిన వివాహిత అపస్మారక స్థితిలోకి జారుకోగానే, ఆమెపై అత్యాచారం చేశాడు. చేసిన ఘనకార్యాన్ని మొబైల్‌లో చిత్రీకరించాడు.
అనంతరం పూజారి తనతో సంబంధం పెట్టుకోవాలని వివాహితను బ్లాక్ మెయిల్ చేశాడు. దానికి వివాహిత నిరాకరించడంతో పూజారి అశ్లీల వీడియోను వివాహిత భర్త, బంధువులకు వాట్సాప్, ఫేస్‌బుక్ ద్వారా పంపించాడు. దీనిపై వివాహిత చేసిన ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
