కొందరు యువకులు తమ ప్రియురాళ్లను వదిలివుండలేకపోతున్నారు. ఇందుకోసం ఎంతకైనా తెగిస్తున్నారు. తాజాగా ఓ యువకుడు తాను ఉండే హాస్టల్‌కు తన ప్రియురాలిని తీసుకెళ్లేందుకు పెద్ద సాహసమే చేశాడు. తన ప్రియురాలిని ఓ సూట్ కేసులో బంధించి తన గదికి తీసుకెళ్లే ప్రయత్నం చేశాడు. అయితే, అతని ప్రయత్నం విఫలమై చివరకు సెక్యూరిటీ సిబ్బందికి దొరికిపోయాడు. తాజాగా వెలుగులోకి వచ్చిన ఈ వివరాలను పరిశీలిస్తే,
హర్యానా రాష్ట్రంలోని ఓపీ జిందాల్ విశ్వవిద్యాలయంలో ఓ యువకుడు తన ప్రియురాలిని హాస్టల్ గదిలోకి తీసుకెళ్లేందుకు తెగించాడు. ఆమెను ఓ సూట్కేసులో ప్యాక్ చేసి తీసుకెళుతూ సెక్యూరిటీ సిబ్బందికి దొరికిపోయాడు. దీంతో ఆ ప్రేమ జంటను యూనివర్శిటీ యాజమాన్యం సస్పెండ్ చేసింది. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అవుతోంది.
