అధికార శివేసన పార్టీలో వచ్చిన చీలికల కారణంగా మహారాష్ట్ర సంకీర్ణ ప్రభుత్వంలో సంక్షోభం తలెత్తింది. తిరుగుబాటు నేత ఏక్నాథ్ షిండే సారథ్యంలో శివసేన ఎమ్మెల్యేలు కొందరు ఉద్ధవ్ ఠాక్రేకు వ్యతిరేకంగా కొత్త శిబిరాన్ని ఏర్పాటు చేసింది. దీంతో మహారాష్ట్ర సర్కారు మైనార్టీలో పడిపోయింది. ఏక్నాథ్ షిండే వెంట 40 మందికిపై పాగా ఎమ్మెల్యేలు ఉన్నారు.
ఇదిలావుంటే బీజేపీ నేత, మాజీ ముఖ్యమంత్రి దేవేంద్ర ఫడ్నవిస్ మంగళవారం ఢిల్లీ వెళ్లి కేంద్ర హోం మంత్రి అమిత్ షాతో సమావేశమయ్యారు. ఆ తర్వాత ముంబైకు చేరుకుని గవర్నర్‌తో భేటీ అయ్యారు. ఈ సందర్భంగా ఆయన ఉద్ధవ్ ఠాక్రే ప్రభుత్వం మైనార్టీలో ఉందని, మెజార్టీ నిరూపించుకునేలా ఆదేశించాలని కోరారు. దీంతో గవర్నర్ అసెంబ్లీలో బలనిరూపణకు ఆదేశించారు.
