దేశం కరోనా వైరస్ కోరల్లో చిక్కుకుంది. ఎక్కడో చైనాలోని వుహాన్ నగరంలో పురుడు పోసుకున్న ఈ వైరస్.. ఇప్పటికి 190 దేశాలకు వ్యాపించింది. ఈ వైరస్ కోరల్లో చిక్కుకున్న అన్ని దేశాలు తమ పౌరులను రక్షించుకునే పనిలో నిమగ్నమయ్యాయి. ఇందుకోసం కరోనాపై యుద్ధం ప్రకటించాయి. ఇందులోభాగంగా, మన దేశ ప్రభుత్వం కూడా పోరాటం చేస్తోంది. ఇందుకోసం 21 రోజుల దేశవ్యాప్త లాక్‌డౌన్ ప్రకటించింది. దీన్ని అన్ని రాష్ట్రాల ప్రభుత్వాలు కూడా సంపూర్ణమద్దతు ప్రకటించాయి.
కరోనా వైరస్‌కు వ్యతిరేక పోరాటంలో ప్రభుత్వానికి సాయం చేయడం తమ బాధ్యత. దేశాన్ని కాపాడే సైనికులను ఆరోగ్యంగా, దృఢంగా ఉంచడం ఆర్మీ చీఫ్‌గా తన ప్రథమ కర్తవ్యం. ఈ విషయంలో ఆర్మీకి ఇప్పటికే రెండు, మూడు మార్గదర్శకాలు జారీ చేశాం. భారత సైన్యం గతంలో ఎన్నో కార్యకలాపాలను విజయవంతంగా పూర్తి చేసింది. ఇప్పుడు 'ఆపరేషన్ నమస్తే'ను కూడా విజయవంతం చేస్తుందనే ఆశాభావాన్ని వ్యక్తం చేశారు.
