మహాష్ట్ర ఎన్నికల్లో ప్రజలు ఇచ్చిన తీర్పును శిరసావహించి, ప్రతిపక్షంలో కూర్చొంటామని ఎన్సీపీ చీప్ శరద్ పవార్ స్పష్టం చేశారు. దీంతో మహారాష్ట్రలో బీజేపీ - శివసేన ప్రభుత్వం ఈ నెల 8వ తేదీలోపు ఏర్పాటుకానుంది.
గత 25 ఏళ్ల నుంచి బీజేపీ - శివసేన కలిసి ఉన్నాయి. ఇవాళ, రేపో ఆ రెండు పార్టీలే కలిసి ప్రభుత్వాన్ని ఏర్పాటు చేస్తాయని పేర్కొన్నారు. ఒక వేళ బీజేపీ - శివసేన కలిసి ప్రభుత్వాన్ని ఏర్పాటు చేయకపోతే రాష్ట్రపతి పాలన తప్పదని హెచ్చరించారు. శివసేన నాయకుడు సంజయ్‌ రౌత్‌ ఇవాళ ఉదయం తనను కలిశారు అని శరద్ పవార్ చెప్పారు. అయితే ఈ సందర్భంగా త్వరలో జరిగే రాజ్యసభ సెషన్స్‌పై తనతో సంజయ్‌ చర్చించారని పేర్కొన్నారు. రాజ్యసభలో లేవనెత్తాల్సిన అంశాలపై చర్చించామని శరద్ పవార్ స్పష్టం చేశారు.
