భార్యకు విడాకులు.. గర్ల్‌ఫ్రెండ్‌కు అబార్షన్.. ఇంకో గర్ల్‌ఫ్రెండ్ వద్ద డబ్బులు గుంజేశాడు..

మంగళవారం, 25 డిశెంబరు 2018 (10:35 IST)
మహిళలపై అఘాయిత్యాలు పెచ్చరిల్లిపోతున్నాయి. భార్యను విడాకులతో వదిలించుకున్నాడు. ఆపై గర్ల్‌ఫ్రెండ్‌తో చనువుగా వున్నాడు. ఆమెను గర్భవతిని చేశాడు. చివరికి ఆమెకు అబార్షన్ చేయాలనుకున్నాడు. ఇక గతిలేక ఇంకో గర్ల్ ఫ్రెండ్ దగ్గర డబ్బులు తీసుకున్నాడు. చివరికి పోలీసులకు చిక్కుకున్నాడు.


ముంబైలో ఈ ఘటన చోటుచేసుకుంది. వివరాల్లోకి వెళితే.. 23 ఏళ్ల అశ్విన్ పాండే అనే వ్యక్తి భార్యతో మనస్పర్థల కారణంగా విడాకులకు దరఖాస్తు చేసుకున్నాడు. ఈ క్రమంలో 30 ఏళ్ల మహిళతో పరిచయం పెంచుకున్నాడు. 
 
ఇటీవలే ఆమె ఓ ఈవెంట్ మేనేజ్‌మెంట్ కంపెనీలో మేనేజర్‌గా చేరింది. ఆమెను ఇంప్రెస్ చేసే ఉద్దేశంతో తాను ఓ ఎయిర్‌లైన్ కంపెనీలో సెక్యూరిటీ అడ్మినిస్ట్రేటర్‌గా చేరినట్టు చెప్పి.. ఆమెను బుట్టలో వేసుకున్నాడు. ఆపై డబ్బులు గుంజడం మొదలుపెట్టాడు. తనకు బాగా దగ్గరి బంధువు ఒకరు రోడ్డు ప్రమాదంలో తీవ్రంగా గాయపడ్డానని చెప్పి.. అనేక దఫాలుగా ఆమె నుంచి రూ.6.5లక్షలు తీసుకున్నాడు. 
 
ఈ క్రమంలో ఓ రోజు పాండే ఫోన్‌లో ఓ మెసేజ్ చూసిన ఆమెకు అనుమానం వచ్చింది. ‘ఐ లవ్ యూ’ అని రాసి ఉన్న మెసేజ్‌ను చదివిన ఆమె పాండేను అనుమానించింది. ఆ ఫోన్ నెంబర్‌కు ఫోన్ చేయడంతో అసలు సంగతి బయటపడింది. తన గర్ల్ ఫ్రెండ్ కోసమే అశ్విన్ తన వద్ద డబ్బు గుంజాడని తెలుసుకుంది. 
 
అబార్షన్ కోసం వచ్చిన మహిళ, డబ్బులిచ్చిన మోసపోయిన ఇద్దరు బాధితులు పోలీసులకు ఫిర్యాదు చేయడంతో ఈ వ్యవహారం వెలుగులోకి వచ్చింది. ఈ ఘటనపై పోలీసులు అత్యాచారం, మోసం కేసు నమోదు చేసి, అతడిని అరెస్ట్ చేసి రిమాండ్‌కు పంపారు.

వెబ్దునియా పై చదవండి

సంబంధిత వార్తలు