అత్యాచారం చేసిన వాడితో జైలులో పెళ్లి, అలా ఎందుకో చెప్పిన జైలర్

అత్యాచారం చేసి జైలు శిక్ష అనుభవిస్తున్న నిందితుడు తిరిగి అతడు అత్యాచారానికి పాల్పడ్డ యువతిని పెళ్లి చేసుకున్నాడు. ఈ ఘటన ఒడిసాలో జరిగింది. పూర్తి వివరాలు ఇలా వున్నాయి.

ఒడిసాలోని గోచాబాది గ్రామానికి చెందిన సూర్యకాంత్ అనే యువకుడు తనను పెళ్లి చేసుకుంటానని మాయమాటలు చెప్పి లైంగిక దాడి చేసాడని 22 ఏళ్ల యువతి పోలీసులకు ఫిర్యాదు చేసింది. పోలీసులు నిందితుడిని గత ఏడాది నవంబరులో అరెస్ట్ చేసి రిమాండుకి తరలించారు. దీనితో పెద్దలు రంగంలోకి దిగి ఇరు కుటుంబాల పెద్దలతో పంచాయతీ పెట్టారు. అంతా ఓ నిర్ణయానికి వచ్చారు. నిందితుడు సూర్యకాంత్, బాధిత యువతిని పెళ్లి చేసుకునేందుకు అంగీకరించినట్లు తెలిపాడు.

ఆ ప్రకారం న్యాయస్థానం అనుమతి ఇవ్వడంతో ఆదివారం నాడు జైలులో వివాహం జరిపించారు. పెళ్లయ్యాక వరుడు మాత్రం జైల్లోనే వున్నాడు. కేసుకి సంబంధించి పూర్తి తీర్పు వెలువడలేదు కనుక అతడు జైల్లోనే వుండాల్సిన పరిస్థితి. ఈ పెళ్లిని చూసిన జైలర్... నిందితులు తాము చేసిన నేరం నుంచి తప్పుకునేందుకు ఇలాంటివి వారికి బ్రహ్మాండమైన ఆయుధంగా పనికివస్తాయంటూ చెప్పారు.