లోకంలో ఎన్నో దానాలు చేస్తూంటారు... కానీ ఈ అన్ని దానాలలోకి అన్నదానం చాలా విశిష్టమైనది. భగవంతుని సృష్టిలోని 84 లక్షల జీవరాశుల్లో.. ఒక్కో జాతికి ఒక్కో ప్రత్యేక ఆహార విధానాన్ని పరమేశ్వరుడు ముందుగానే నిర్ణయించేసి ఉంటాడు. అందుకే ఆయనకు పూజ చేసేటప్పుడు ఉపవాసం ఉండాలంటూంటారు. అలా ఉపవసించి.. పరమేశ్వరునికి నైవేద్యం సమర్పించడం ద్వారా.. పరమేశ్వరునికి నైవేద్యం పెట్టిన ఆహారం సృష్టిలోని సకల జీవులకు చేరుతుందనేది ఒక విశ్వాసం.
ఇక శుభకార్యాలు చేసేటప్పుడు అన్నదానాన్ని చేయాలి. అన్నం లేకుండా ఏ జీవరాశీ తన మనుగడని సాగించలేదు. అందుకే ఆకలి బాధతో ఉన్నవారికి అన్నదానం చేయడం ద్వారా శుభఫలితాలు లభిస్తాయి. అన్నదానానికి మించినది లేదని పెద్దలు కూడా అంటూంటారు. ధనమైనా, బంగారమైనా ఎంత దానం చేసినప్పటికీ... దానం పొందిన వ్యక్తి మరింత కావాలని కోరుకుంటాడే కానీ సంతృప్తి చెందడు.
