ఆఫ్ లైన్ ద్వారా టోకెన్లు లేవు. ఆన్ లైన్ ద్వారానే టిక్కెట్లు పొందాల్సిన పరిస్థితి భక్తులది. టోకెన్లు లేకుండా తిరుమలకు అనుమతించే పరిస్థితే లేదు. దీంతో చాలామంది భక్తులు శ్రీవారిని దర్సించుకోకుండానే వెనుతిరిగి వెళ్ళిపోతున్నారు. ఎంతో వ్యయప్రయాసాలతో కరోనా సమయంలో స్వామవారిని దర్సించుకుని మ్రొక్కులు తీర్చుకుందామనుకుంటున్న వారికి ఇబ్బందులు తప్పడం లేదు.
తిరుమలలోని పలు ప్రాంతాలను ఆకస్మిక తనిఖీ చేసిన టిటిడి ఈఓ మీడియాతో మాట్లాడారు. లడ్డూ, కౌంటర్లు, లడ్డూ పోటు, ఆలయ మాఢా వీధులు, గోశాలను టిటిడిఅధికారులతో కలిసి తనిఖీ చేశారు. పచ్చదనం ఉట్టిపడేలా తిరుమలలో మరిన్ని ఉద్యానవనాలను ఏర్పాటు చేసినట్లు చెప్పారు.
శ్రీవారికి వినియోగించే పుష్పాలను తిరుమలలోనే పండించే విధంగా ఏర్పాట్లు చేస్తున్నామని..పలువురు దాతలు ఈ కార్యక్రమ నిర్వహణకు సుముఖత వ్యక్తం చేసినట్లు చెప్పారు. శ్రీవారి నైవేధ్యం, దీపారాధనకు గోఆధారిత నెయ్యిని తిరుమలలోనే సమకూర్చుకునే విధంగా ఏర్పాట్లు చేస్తున్నామన్నారు.
