పెరూలో విషాదం... పిడుగుపాటుకు ఫుట్‌బాల్ క్రీడాకారుడి మృతి (Video)

లాటిన్ అమెరికా దేశాల్లో ఒకటైన పెరూలో విషాదం చోటుచేసుకుంది. ఓ ఫుట్‌బాల్ క్రీడా మైదానంలో పిడుగుపడటంతో ఓ ఫుట్‌బాల్ ఆటగాడితో పాటు మరో వ్యక్తి దుర్మరణం పాలయ్యాడు. ఆటగాడిపై పిడుగుపడటాన్ని ప్రత్యక్షంగా చూసినవారంతా షాక్‌కు గురయ్యారు. పెరూలోని హువాన్ కాయో ప్రాంతంలోని ఓ సాకర్ స్టేడియంలో ఈ విషాదకర ఘటన జరిగింది. 

అయితే, మ్యాచ్ మధ్యలో వర్షం పడటంతో రిఫరీ మ్యాచ్‌ను నిలిపివేవేశాడు. ఆటగాళ్లు తమ డగౌట్‌కు వెళుతుండగా పెద్ద శబ్దంతో పిడుగుపడింది. దీంతో ఓ ఆటగాడు, మ్యాచ్ రిఫరీ కుప్పకూలిపోయాడు. రిఫరీకి తీవ్రగాయాలు కాగా, ఆటగాడు మాత్రం ప్రాణాలు కోల్పోయాడు. పిడుగు నేరుగా పైనపడటంతో ఆ ఆటగాడు ప్రాణాలు కోల్పోయాడు. ఈ ఘటనలో మరో నలుగురికి కూడా గాయాలయ్యాయి. ఈ ఘటనకు సంబంధించిన వీడియోను ఏపీ విపత్తుల నిర్వహణ సంస్థ తన సోషల్ మీడియా ఖాతాలో షేర్ చేసింది. 

పెరూలోని హువాన్కాయోలో నిర్వహించిన ఓ ఫుట్బాల్ మ్యాచ్ మధ్యలో వర్షం పడటంతో ఆటను నిలిపివేసారు.వారంతా గ్రౌండ్ నుంచి వెళ్తుండగా ఒక్కసారిగా పిడుగు పడటంతో వాళ్లు కుప్పకూలారు. అందులో ఒకరు మృతి చెందగా, ఐదుగురు తీవ్రంగా గాయపడ్డారు. ఈ న్యూస్ సోషల్ మీడియాలో వైరల్ అవుతుంది. pic.twitter.com/bCAp20Z0Vv

— Andhra Pradesh State Disaster Management Authority (@APSDMA) November 6, 2024