హైదరాబాద్ నగరం చుట్టూత అనేక ఫామ్ హౌజ్‌లు వెలసివున్నాయి. వీటిలో కొన్ని సక్రమంగా నిర్మిస్తే, మరికొన్ని అక్రమంగా నిర్మించారు. ఇలాంటి వాటిలో చెరువులు, ప్రభుత్వ భూములను ఆక్రమించి నిర్మించినవే ఎక్కువగా ఉన్నాయి. ఇలాంటి వాటిలో తమ్మిడిగుంట చెరువును ఆక్రమించి నిర్మించిన ఎన్ కన్వెన్షన్ సెంటర్‌ను హైడ్రా కూల్చివేసింది. ఇది టాలీవుడ్ హీరో అక్కినేని నాగార్జునకు చెందిన కన్వెన్షన్ సెంటర్. దీంతో ఇపుడు హైదరాబాద్ నగర చుట్టుపక్కల అక్రమంగా నిర్మితమైన ఫామ్ హౌజ్‌లపై దృష్టిమళ్లింది. ఇలాంటి వాటిలో ఎక్కువగా బడా కాంగ్రెస్ నేతలకు చెందినవే ఎక్కువగా ఉన్నాయి. ఇపుడు అక్కినేని నాగార్జునకు చెందిన ఎన్ కన్వెన్షన్ సెంటర్‌ను కూల్చివేసినట్టుగానే వీటిని కూడా హైడ్రా కూల్చివేస్తుందా లేదా అన్న చర్చ ఇపుడు మొదలైంది.
ఇలాంటి ఫామ్ హౌజ్‌ల వివరాలు ఇపుడు సోషల్ మీడియాలో వైరల్ అవుతున్నాయి. వాటిలో కొన్ని.. హిమాయత్ సాగర్ చెరువులో ఎమ్మెల్సీ పట్నం మహేందర్ ఫామ్ హౌజ్ ఉండగా, హిమాయత్ సాగర్ చెరువులో మంత్రి పొంగులేటి శ్రీనివాస్ రెడ్డికి చెందిన ఫామ్ హౌజ్, హిమాయత్ సాగర్ చెరువులో కాంగ్రెస్ ఎమ్మెల్యే, వీ6 ఛానల్ ఓనర్ ఫామ్ హౌజ్, హిమాయత్ సాగర్ చెరువులో ఎమ్మెల్సీ గుత్తా సుఖేందర్ రెడ్డి ఫామ్ హౌజ్‌లు ఉన్నాయి. ఇపుడు వీటిని కూల్చివేస్తారా లేదా అన్నది ఉత్కంఠ నెలకొంది.
