విజయలక్ష్మి విల్లాలు, కాస్త చూసి కొనండయ్యా, లేదంటే కోట్లు కొట్టుకుపోతాయ్

Lakshmi Srinivasa Constructions MD Vijayalakshmi arrested

కళ్లకి ఇంపుగానూ, లోపలికి వెళ్తే స్వర్గంలానూ వుంటాయి ఆ విల్లాలు. మరీ అంత బాగుంటే కాస్త ధర ఎక్కువయినా కొనకుండా ఎలా వుంటాము. హాట్ కేకుల్లా ఎగిరిపోతున్నాయంటూ లక్షలకు లక్షలు అప్పు చేసి కొనేస్తుంటాము. ఐతే ఈ బలహీనతనే నిర్మాణరంగంలో వున్న కొంతమంది రియల్టర్లు క్యాష్ చేసుకుంటున్నారు.

ఇక అసలు విషయానికి వస్తే... మేడ్చల్ జిల్లా మల్లంపేటలో ఏకంగా ప్రభుత్వ భూమినే కబ్జా చేసి అందులో విల్లాలు నిర్మించారు లక్ష్మీశ్రీనివాస కన్స్ట్రక్షన్స్ ఎమ్.డి విజయలక్ష్మి. ఇలా నిర్మించిన విల్లా ఒక్కో దానికి కోట్ల రూపాయల్లో వసూలు చేసింది. ఐతే ప్రభుత్వ భూమిలో విల్లాలను నిర్మించినట్లు తేలడంతో ఇటీవల ఆ విల్లాలను హైడ్రా కూల్చేసింది. దీనితో విల్లాలు కొనుగోలు చేసినవారు లబోదిబోమంటూ పోలీసులకు ఫిర్యాదు చేసారు.

ఈరోజేమో శంషాబాద్ విమానశ్రయంలో కంపెనీ ఎమ్.డి గుర్రం విజయలక్ష్మిని పోలీసులు అదుపులోకి తీసుకున్నారు. అందుకే ఆస్తులను కొనే ముందు ఒకటికి పదిసార్లు పత్రాలను తనిఖీ చేసుకోవాలి.

లక్ష్మిశ్రీనివాస కన్‌స్ట్రక్షన్‌స్ ఎండీ గుర్రం విజయలక్ష్మి అరెస్ట్‌

శంషాబాద్‌ ఎయిర్‌పోర్ట్ లో అదుపులోకి తీసుకున్న పోలీసులు

మేడ్చల్ జిల్లా మల్లంపేటలో ప్రభుత్వ భూమిని కబ్జా చేసి విల్లాలు నిర్మించిన విజయలక్ష్మి

ఒక్కో విల్లాకి కోట్ల రూపాయలు వసూలు చేసిన విజయలక్ష్మి

ఇటీవల అక్రమ… pic.twitter.com/DzFa2FQyQ9

— BIG TV Breaking News (@bigtvtelugu) January 30, 2025