తెలంగాణలోని మేడ్చల్ పరిధిలో కల్వర్ట్ కింద గుర్తుపట్టలేని విధంగా ఓ మహిళ హత్య చేయబడి వుంది. ఈ దారుణాన్ని చూసిన స్థానికులు విషయాన్ని పోలీసులకు అందించారు. ఘటనా స్థలానికి చేరుకున్న పోలీసులు మృతురాలు ఆనవాళ్లు గుర్తించలేకపోయారు. కారణం... ఆమె ముఖం బండరాయితో మోది ఛిద్రం చేయబడి వుంది. పెట్రోల్ పోసి ఆమె శరీరాన్ని దహనం చేసిన ప్రయత్నంలో పాక్షికంగా కాలిపోయి వుంది.
ఐతే పోలీసులు ఆమెకి సమీపంలో పడి వున్న కండోమ్ సేకరించారు. వివాహేతర సంబంధం వల్ల ఈ దారుణం జరిగి వుంటుందని ప్రాధమిక నిర్థారణకు వచ్చారు. ఇంకా ఆమెకి సంబంధించిన సెల్ ఫోను స్వాధీనం చేసుకుని అందులోని కాల్ డేటా తీయడంతో నిందితుడు దొరికిపోయాడు. అతడి వద్ద పోలీసులు తమదైన శైలిలో విచారించడంతో వాస్తవాలు బయటకు వచ్చాయి. ఆ వివరాలు ఇలా వున్నాయి.
తనతో గడిపితే రూ. 500 ఇస్తానంటూ చెప్పాడు. దానికి అంగీకరించిన మహిళ అతడితో కలిసి కొంతదూరంలో వున్న కల్వర్ట్ కింద గడిపారు. ఆ తర్వాత సదరు మహిళ తనను అధికంగా డబ్బు అడగడంతో ఆమెను హత్య చేసినట్లు నిందితుడు చెబుతున్నాడు. కానీ మహిళకు ఇస్తానన్న డబ్బు ఇవ్వకపోవడంతో అతడితో వాగ్వాదానికి దిగి వుంటుందని పోలీసులు అనుమానిస్తున్నారు. ఈ వాదనలో ఆ మహిళను అత్యంత పాశవికంగా హత్య చేసి గుర్తుపట్టకుండా వుండేందుకు పెట్రోల్ పోసి నిప్పంటించినట్లు నిందితుడు చెప్పాడు.
