‘నీ బుల్లెట్టు బండెక్కి వచ్చేత్తా బా’ అనే యూట్యూబ్‌లో అత్యధిక వ్యూస్‌ పొందింది. రచయిత లక్ష్మణ్‌ సాహిత్యం అందించగా ప్రముఖ గాయని మోహన భోగరాజు పాడారు.. ఎస్‌కే బాజి సంగీతం అందించారు. ఈ ఏడాది ఏప్రిల్‌ 7వ తేదీన యూట్యూబ్‌లో విడుదలైన పాట ఇప్పటివరకు మూడు కోట్లకు పైగా వ్యూస్‌ సొంతం చేసుకోగా ఇక లైక్‌లు లక్షల్లో.. షేర్లు, కామెంట్లు వేలల్లో వస్తున్నాయి.
అచ్చమైన తెలంగాణ యాసలో ఉన్న ఈ పాట ఒక్క యూట్యూబ్‌లోనే కాదు బయట కూడా మార్మోగుతోంది. ఈ పాట ఎక్క‌డ‌కి వెళ్లినా బుల్లెట్ బండి పాట వినిపిస్తోంది. ప్యాసింజ‌ర్ ఆటోల నుంచి టీస్టాల్, దాబా ఇలా ఎక్క‌డైనా ఆ పాట‌నే హ‌ల్ చ‌ల్ చేస్తోంది.
