తెలుగు తెరకు పరిచయమైన కొత్తకారు హీరోయిన్లలో అనూ ఇమ్మాన్యుయేల్ ఒకరు. పైగా, 'మజ్ను', 'కిట్టు వున్నాడు జాగ్రత్త' సినిమాలతో ఈ సుందరి హిట్స్ రుచి చూసింది. ఈమె సినీ ఇండస్ట్రీలో రాణింపుపై స్పందిస్తూ.. చిత్ర పరిశ్రమలో రకరకాల వేధింపులు ఉంటాయనీ, అయినప్పటికీ ఈ రంగంలో కొనసాగేందుకు తనకు ఇష్టమేనని చెప్పింది.
చిత్రపరిశ్రమలో రాణించడం అంత తేలికైన విషయం కాదనీ, ఇండస్ట్రీలో రకరకాల వ్యక్తులు తారసపడుతూ ఉంటారనీ, ఒక్కొక్కరినీ ఒక్కోలా ట్రీట్ చేయాల్సి వస్తుంటుందని చెప్పింది. ఇలాంటి ఇబ్బందులు ఎన్నో ఉన్నప్పటికీ ఈ ప్రొఫెషన్ అంటే తనకి ఎంతో ఇష్టమంటూ చెప్పుకొచ్చింది.
కథలు విన్న తర్వాత ఒక నిర్ణయానికి రావడం చాలా కష్టమని చెప్పింది. అదేవిధంగా అనుకూలంగా లేని షెడ్యూ‌ల్‌ను అనుసరించడం కూడా చాలా ఇబ్బందేనని చెప్పింది. ఇక షూటింగ్స్ వల్ల కుటుంబ సభ్యులందరికీ దూరంగా ఉండటం మరీ కష్టమని చెప్పుకొచ్చింది. కాగా, ప్రస్తుతం ఈమె ప్రస్తుతం పవన్ కల్యాణ్ సరసన ఓ చిత్రంలో నటిస్తోంది.
