అంతకుముందు ఆ తరువాత, దర్శకుడు, అమీతుమీ, అ సినిమాలు చూశారా.. ఆ సినిమాలలో నటించిన ఇషా రెబ్బా గుర్తుందా.. అమాయకంగా కనిపించే క్యారెక్టర్ ఆమెది. ఏ సినిమాలో నటించినా ఆమెకు మంచి గుర్తింపే వస్తోంది. కానీ అవకాశాలు మాత్రం రావడం లేదు. తాజాగా నాని నిర్మాతగా మారిన అ సినిమాలో కూడా ఒక ప్రధాన పాత్రను పోషించింది ఇషా రెబ్బా. అయితే ఇప్పుడు ఒక కమెడియన్‌తో పీకల్లోతు ప్రేమలో ఉందట. అతనెవరో తెలుసా.. అవసరాల శ్రీనివాస్.
ఈ పేరు వింటే అష్టాచమ్మా సినిమా గుర్తుకు వస్తుంది కదా. కమెడియన్, హీరోగానే కాదు.. అవసరాల శ్రీనివాస్ మంచి రచయిత, దర్శకుడు కూడా. అ సినిమాలో నటించే సమయంలో అవసరాల శ్రీనివాస్‌కు, ఇషా రెబ్బాకు మధ్య పరిచయం బాగా పెరిగిందట. ఆ పరిచయం కాస్త ఇప్పుడు ప్రేమకు దారితీసిందని సినీపరిశ్రమలోని వారు చెబుతున్నారు. ఇద్దరూ ఎంచక్కా రెస్టారెంట్లకు, పార్కులకు తెగ తిరిగేస్తున్నారట.
