ప్చ్... తమన్నాను పట్టించుకునే వారేరీ....?

బాహుబలి బిగినింగ్‌లో తమన్నా పచ్చబొట్టు గురించి అందరూ మాట్లాడుకున్నారు. చిత్రం అంతా తమన్నాను బాగా ఎలివేట్ చేసింది. ఐతే బాహుబలి కంక్లూజన్ దగ్గరకి వచ్చేసరికి తమన్నా గురించి మాట్లాడుకుంటున్నవారే లేరు. తొలుత సెకండ్ పార్టులో తన పాత్ర కీలకం అని గొంతు చించుకుని చెప్పుకున్నా తమన్నాను ఎవ్వరూ పట్టించుకోలేదు. 

పైగా చిత్రం చూశాక అనుష్కకే ప్రాధాన్యం అని తేలిపోయింది. ఏదో చిత్రం బిగినింగ్ సమయంలో ప్రమోషన్‌కు కనిపించిన తమన్నా ఆ తర్వాత అస్సలు కనబడలేదు. అదేమని అడిగితే... తను షూటింగ్ బిజీ వల్ల రాలేకపోయానని చెపుతోంది. ఏదేమైనా ఇంపార్టెన్స్ లేనప్పుడు ఎవరు మాత్రం ఎందుకు వస్తారు. అందుకే తమన్నా అలా హ్యాండిచ్చిందట.