మిల్కీ బ్యూటీ తమన్నాకు తెలుగు సినీపరిశ్రమలో ఏ మాత్రం క్రేజ్ తగ్గలేదు. వరుసగా సినిమాలు చేతిలో లేకున్నా కథ నచ్చితేనే మంచి సినిమాలకు ఒప్పుకుంటోంది. ఆచితూచి సినిమాలను చేస్తోంది తమన్నా. తాజాగా సైరా సినిమాలో ఒక ముఖ్యమైన పాత్రను పోషిస్తోంది. ఇప్పటికే ఈ సినిమా తెలుగు సినీపరిశ్రమలో ఒక చర్చకు దారి తీసిన విషయం తెలిసిందే. మెగాస్టార్ చిరంజీవి నటిస్తున్న సినిమాలో ఎంతోమంది ముఖ్యమైన పాత్రలను పోషిస్తున్నారు.
అయితే తమన్నా కూడా ఒక ముఖ్య పాత్రను ఇందులో పోషిస్తున్నారట. అయితే ఈ సినిమాలో నటిస్తున్నప్పుడు తన స్నేహితులు షూటింగ్ స్పాట్ లోకి వచ్చినప్పుడు తమన్నా కొన్ని ఆసక్తికర వ్యాఖ్యలు చేశారట. నేను సినిమాల్లో మంచి పాత్రలోనే నటించాలనుకుంటాను. థియేటర్‌లో కూర్చున్నప్పటి నుంచి శుభం కార్డు పడి వెనుతిరిగి వెళ్లేంత వరకు నవ్విస్తూనే ఉండే క్యారెక్టర్ నేను చేయాలనుకుంటాను.
అలాంటి పాత్రే ఎఫ్..2. నేను నటించిన ఆ సినిమా ప్రతి పాత్ర నవ్వు తెప్పిస్తుంది. అందుకే అలాంటి సినిమాలనే ఎక్కువగా చేయాలనుకుంటాను. అంతేతప్ప సినిమా ప్రారంభమైనప్పటి నుంచి ఏడుపు సీన్లు నటించడమన్నా.. అభిమానులను ఏడిపించడమన్నా నాకు అస్సలు ఇష్టం ఉండదు అంటోంది తమన్నా. నాకు నవ్వించే క్యారెక్టర్లంటేనే ఇష్టం. ఏడుపుగొట్టు క్యారెక్టర్లను ఇవ్వొద్దని డైరెక్టర్లకు మిల్కీ బ్యూటీ చెబుతోందట.
