సినీ పరిశ్రమలో హీరోహీరోయిన్లకు లింక్‌లు పెట్టడం మామూలే. యువ హీరోల గురించి అస్సలు చెప్పనక్కర్లేదు. రోజుకో హీరోయిన్‌తో ఎఫైర్‌లు ఉన్నట్లు ప్రచారం చేస్తారు. డేటింగ్‌లంటూ పుకార్లు పుట్టిస్తారు. ఇలా ఒకటి కాదు. పుకార్లతో ఎన్నో ఇబ్బందులు పడ్డాను నేను. ఇప్పుడు తాజాగా శరత్ కుమార్ కుమార్తె వరలక్ష్మి ఎఫైర్ అంటకట్టారంటూ ఆవేదన చెందుతున్నాడు నటుడు విశాల్.
వరలక్ష్మి, విశాల్‌లు చెట్టాపట్టాలేసుకుని తిరుగుతున్నారని, డేటింగ్‌లో బిజీగా గడుపుతున్నారని, విశాల్ - శరత్ కుమార్‌కు మధ్య వార్ జరుగుతోందని ప్రచారం చేశారు. సినిమాల్లో నాకు అవకాశాలు రాకుండా శరత్ కుమార్ అడ్డుపడుతున్నారని కూడా ప్రచారం జరిగింది. ఇలా నా మీద బురదజల్లే ప్రయత్నం ఎక్కువగానే చేశారు. నాపై సినీ పరిశ్రమలో జరుగుతున్న దుష్ర్పచారం తెలుసుకుని చాలా బాధపడ్డా. నాకు వరలక్ష్మి మంచి స్నేహితురాలు మాత్రమే. ఆమెతో నేను కలిసి తిరిగింది స్నేహభావంతోనే. అంతేతప్ప మా మధ్య ఏమీ లేదు అంటూ చెప్పుకొచ్చాడు విశాల్.
