హీరో అజిత్ కుమార్‌‍కు ప్రాణముప్పు తప్పింది. స్పెయిన్‌లో జరుగుతున్న కార్ రేసింగ్ పోటీల్లో ఆయన పాల్గొనగా, ఆయన నడుపుతున్న కారు ప్రమాదానికి గురైంది. మరోకారును తప్పించే క్రమంలో ఈ ప్రమాదం జరిగినట్టు సమాచారం. ఈ ఘటనకు సంబంధించిన వీడియోను ఇన్‌స్టాలో అజిత్ కుమార్ కార్ రేసింగ్ కంపెనీ షేర్ చేసింది.
ఇక గత నెలలో దుబాయ్‌లో గ్రాండ్ ప్రీ రేస్ కోసం సాధన చేస్తున్న సమయంలో కూడా అజిత్ కారు ప్రమాదానికి గురైన విషయం తెల్సిందే. ఆయన కారు సమీపంలోనే గోడను బలంగా ఢీకొట్టడంతో వాహనం ముందు భాగం బాగా దెబ్బతింది. ఈ ప్రమాదం నుంచి అజిత్ కూడా సురక్షితంగా బయటపడిన విషయం తెల్సిందే. ఈ రేసింగ్ ఈవెంట్‌లో ఆయన టీమ్ మూడో స్థానంలో నిలిచింది.
