హీరో ప్రభాస్ - ఎస్ఎస్ రాజమౌళి కాంబినేషన్‌లో వచ్చిన "బాహుబలి-2" చిత్రం ఎంతటి ఘన విజయాన్ని సాధించిందో ప్రత్యేకంగా చెప్పనక్కర్లేదు. విడుదలైన ప్రతి ప్రాంతంలోనూ అక్కడి ప్రేక్షకులతో 'జయహో' అనిపించుకుంది. ముఖ్యంగా కలెక్షన్ల మోత మోగించింది. అలాగే, ఇటీవల జపాన్‌లో విడుదలైన ఈ సినిమా, 100 రోజులను పూర్తి చేసుకుని, ఇంకా అదే జోరును కొనసాగిస్తోంది. వసూళ్ల విషయంలోను అదేవిధంగా హల్‌చల్ చేస్తోంది.
ఈ నేపథ్యంలో చైనాలో శుక్రవారం విడుదల కానుంది. ఈ చిత్రాన్ని ఏకంగా 7000పైగా స్క్రీన్లలో ప్రదర్శించనున్నారు. చైనాలో ఐమాక్స్ ఫార్మేట్‌లో విడుదలవుతోన్న భారతీయ సినిమాగా, ఇప్పటికే ఈ సినిమా ప్రత్యేకతను సంతరించుకుంది. ఈ సినిమా అక్కడి ప్రేక్షకులను కూడా విశేషంగా అలరించడం ఖాయమనీ.. కొత్త రికార్డులకు తెరదీసి తీరుతుందనే అభిప్రాయాలు వ్యక్తమవుతున్నాయి.
