మెగాస్టార్ చిరంజీవి హీరోగా సురేందర్ రెడ్డి దర్శకత్వంలో తెరకెక్కిన లేటెస్ట్ సెన్సేషనల్ మూవీ సైరా నరసింహారెడ్డి. మెగాస్టార్ తొలిసారి ఒక స్వతంత్ర సమరయోధుడు పాత్రలో నటించిన ఈ సినిమాలో ఆయన సరసన నయనతార హీరోయిన్‌గా నటించారు. ఇక విపరీతమైన అంచనాలతో నేడు ప్రేక్షకుల ముందుకు వచ్చిన ఈ సినిమాపై ప్రేక్షకుల నుండి సర్వత్రా ప్రశంశలు కురుస్తున్నాయి.
ఇకపోతే సినిమాకు అద్భుతంగా టాక్ రావడంతో, తన కుమారుడు మరియు సైరా నిర్మాతైన రామ్ చరణ్‌తో మెగాస్టార్ చిరంజీవి తమ సినిమా విజయానందాన్ని పంచుకున్నారు. కాగా వారిద్దరూ కలిసి దిగిన ఫోటోలు ప్రస్తుతం పలు సోషల్ మీడియా మాధ్యమాల్లో హల్చల్ చేస్తున్నాయి.
