తెలుగు సినిమారంగంలో ఆఫీస్‌బాయ్ నుంచి నిర్మాత స్థాయికి ఎదిగ‌డానికి కార‌ణ‌మైన తెలుగు క‌ళామ‌త‌ల్లకి కృత‌జ్ఞ‌త‌లు తెలియ‌జేస్తుశారు నట్టికుమార్. ఈ సంద‌ర్భంగా త‌న ఎదుగుద‌ల‌కు కార‌ణ‌మైన ప్ర‌తి ఒక్క‌రికీ ధ‌న్య‌వాదాలు తెలియ‌జేశారు. సినిమారంగానికి వ‌చ్చి 32 ఏల్ళు అయిన ఆయ‌నకు ఈ ఏడాది యాభై సంవ‌త్స‌రంలో అడుగుపెడుతున్నారు. ఈ సంద‌ర్భంగా విలేక‌రుల‌తో ప‌లు విష‌యాల‌ను పంచుకున్నారు.
ఈ ఏడాది ప్ర‌త్యేకం
- ప్ర‌తి ఏడాది పుట్టిన‌రోజున ఏదో ప్ర‌త్యేక‌త వుంటుంది. ఈ ఏడాది మాత్రం మ‌రింత ప్రియ‌మైన‌ది. నాకుమారుడు హీరోగా `సైకోవ‌ర్మ` సినిమా చేస్తున్నాడు. అదేవిధంగా నా కుమార్తె `దెయ్యంతో స‌హ‌జీవ‌నం`తో నాయిక‌గా ప‌రిచ‌యం అవుతుంది. ఇక నేనుకూడా 2వేల సంవ‌త్స‌రంలో ద‌ర్శ‌క‌త్వం మానేశాను. మ‌రలా ఇప్పుడు ద‌ర్శ‌క‌త్వం చేస్తున్నాను. ఇవి నాకు ఈ ఏడాది ప్ర‌త్యేకత‌లు.
ప‌దిమంది బాగుండాల‌నే ఆశిస్తా
- సినిమా ప‌రిశ్ర‌మ‌లో నాకు గురువులు డా. దాస‌రినారాయ‌ణ‌రావుగారు, డా. డి. రామానాయుడుగారు. త‌మ్మారెడ్డి భ‌ర‌ద్వాజ‌గారు. వారి ద‌గ్గ‌రే నేను చిన్న‌ప్ప‌టినుంచి పెరిగాను. వారి పేరు ఎక్క‌డా చెడ‌కొట్ట‌కుండా నీతి నిజాయితీగా వుండ‌మ‌ని చెప్పిన‌ట్లు న‌డిచాను. నేను ఏదైనా ఉన్న‌ది ఉన్న‌ట్లు మాట్లాడతాను. ఏ ఒక్క‌రూ ల‌బ్దిపొంద‌కూడ‌దు. ప‌దిమందీ సినిమారంగ‌లో వుండాల‌నే నా భావ‌న. మా గురువులు నేర్పింది కూడా అదే.
- ఫిలింఛాంబ‌ర్ వ్య‌వ‌హారాలు కూడా నిర్వ‌ర్తిస్తున్నాను. 32 ఏళ్ళ‌లో ఎంతోమంది నాకు స‌హ‌క‌రించినందుకు పేరు పేరున ధ‌న్య‌వాదాలు తెలియ‌జేస్తున్నాను. ర‌మేష్ ప్ర‌సాద్‌గారు ఆర్థికంగా అండ‌గా వున్నాను. నేను ఏరోజు మాట్లాడినా ఫిలింఛాంబ‌ర్‌ను అగౌర‌ప‌ర్చ‌లేదు. చిన్న సినిమాలు బ‌తకాల‌ని 2000 నుంచి నేను కోరుకుంటున్నాను. అదే ఇప్ప‌టికీ కోరుకుంటున్నా. నాలాగే ఎంద‌రో కొత్త‌వారు సినిమాపై ప్రేమ‌తో వ‌స్తున్నారు. వారంతా ప‌రిశ్ర‌మ‌లో బాగుప‌డాల‌ని ఆశిస్తున్నానని తెలిపారు.
