బాలీవుడ్ సీనియర్ హీరోయిన్లలో కరీనా కపూర్ ఒకరు. ఈమెకు రాహుల్ గాంధీ అంటే అమితమైన ప్రేమ.. పిచ్చి. ఈ కారణంగానే తనకంటే వయసులో చిన్నవాడైనప్పటికీ... అతనితో డేటింగ్ చేయాలని పరితపించింది. కానీ, అది సాధ్యపడలేదు. ఈ విషయం తాజాగా ప్రముఖ జర్నలిస్టు రషీద్ కిద్వాయీ తన పుస్తకం 'నేతా అభినేతా: బాలీవుడ్ స్టార్ పవర్ ఇన్ ఇండియన్ పాలిటిక్స్'లో వెల్లడించారు.
ఈ పుస్తకంలో రాసిన వివరాల మేరకు కరీనాకపూర్ 2002లో రాహుల్ గాంధీని ఇష్టపడగా, రాహుల్ కూడా కరీనా నటించిన సినిమా విడుదలైన రోజు తొలి ఆటను చూసేవారని పేర్కొన్నారు. అప్పట్లో కరీనాకపూర్ ఒక షోలో... సమాధానం చెప్పేందుకు సంశయిస్తూనే తాను రాహుల్‌తో డేట్‌ను ఇష్టపడతానని చెప్పారు. తాను సినీ నేపథ్యం కలిగిన కుటుంబం నుంచి వచ్చానని, రాహుల్ రాజకీయ కుటుంబానికి చెందినవారని, తమ కుటుంబాల మధ్య సంబంధాలున్నాయని తెలిపారు.
కానీ, ఇదే అంశంపై 2009లో కరీనా కపూర్ స్పందిస్తూ, 'అది ఒకప్పటి విషయం. అప్పట్లో నేను అలా ఎందుకు చెప్పానంటే... మా ఇద్దరి ఇంటిపేర్లకు ఎంతో ప్రాధాన్యత ఉంది. నేను రాహుల్‌ను ప్రధానిగా చూడాలనుకుంటున్నాను. నేను అతనితో డేట్ చేయాలని అనుకోవడం లేదని' స్పష్టంచేశారు.
