టాలీవుడ్‌ ప్రేక్షకులను బాగా ఆకట్టుకున్న అర్జున్ రెడ్డి సినిమా ప్రస్తుతం హిందీ, తమిళ భాషల్లో రీమేక్ అవుతున్న సంగతి తెలిసిందే. అర్జున్ రెడ్డి ద్వారా మాస్ హీరో విజయ్ దేవరకొండకి విపరీతమైన ఫాలోయింగ్ తెచ్చిపెట్టింది. విజయ్‌తో పాటు ఆ చిత్రంలో హీరోయిన్‌గా నటించిన షాలిని పాండేకి కూడా మంచి గుర్తింపు లభించింది.
ఈ నేపథ్యంలో తమిళంలో రీమేక్ అవుతున్న అర్జున్ రెడ్డిలో చియాన్ విక్రమ్ కొడుకు దృవ్ నటిస్తున్నాడు. ఈ సినిమా త్వరలోనే ప్రేక్షకుల ముందుకు రానుంది. అలానే హిందీలో హీరో షాహిద్ కపూర్ 'అర్జున్ రెడ్డి' రీమేక్‌లో నటిస్తున్నాడు. తెలుగు వెర్షన్‌ని డైరెక్ట్ చేసిన సందీప్ రెడ్డి వంగ హిందీ రీమేక్‌ని డైరెక్ట్ చేయబోతున్నారు.
