రెబెల్ స్టార్ కృష్ణంరాజు ఇకలేరు. ఆయన ఆదివారం వేకువజామున తుదిశ్వాస విడిచారు. మధుమేహంతో పాటు ఇతర అనారోగ్య సమస్యల కారణంగా ఆయన చనిపోయినట్టు హైదరాబాద్ ఏఐజీ వైద్యులు వెల్లడించారు. ఆయన మృతి వార్తతో కుటుంబ సభ్యులు, అభిమానులు, సన్నిహితులు అందరూ శోకసంద్రంలో మునిగిపోయారు.
మరోవైపు, తన చిరకాల కోరిక తీరకుండానే ఆయన మరణించారు. తన తమ్ముడి కుమారుడు ప్రభాస్ అంటే కృష్ణంరాజుకు ఎంతో ప్రేమ. ప్రభాస్ ను ఆయనే సినిమాల్లోకి తీసుకొచ్చారు. ప్రభాస్ ను వెనకుండి నడిపించి పెద్ద స్టార్‌ను చేశారు. వీరిద్దరూ తండ్రీకుమారులుగా ఉండేవారు.
ప్రభాస్ పెళ్లి కంటే తనకు సంతోషాన్ని ఇచ్చే అంశం మరొకటి లేదని చెప్పేవారు. ప్రభాస్ పిల్లలతో కూడా తనకు నటించాలనే కోరిక ఉందని అంటుండేవారు. అలాంటి కృష్ణంరాజు... ప్రభాస్ పెళ్లిని చూడకుండానే, తన చిరకాల వాంఛ తీరకుండానే తనువు చాలించారు.
