మాధవన్, అనుష్క కాంబినేషన్‌లో రెండో సినిమా రానుంది. పన్నెండేళ్ల క్రితం మాధవన్, అనుష్క కలిసి రెండు అనే తమిళ సినిమాలో నటించారు. ఆ తర్వాత వీరిద్దరూ కలిసి నటించలేదు. ఇన్నాళ్లకి ఈ కాంబినేషన్ సెట్స్ పైకి వెళ్ళబోతుంది. దీనికి కోన సమర్పకుడు.
''భాగమతి'' తరువాత అనుష్క నుండి మరో సినిమా ప్రకటన రాలేదు. మధ్యలో దర్శకుడు గౌతమ్ మీనన్‌తో సినిమా ఉంటుందని టాక్ వచ్చింది. కానీ దానిపై ఎలాంటి ప్రకటన రాలేదు. గౌతమ్ మీనన్ కూడా తన తమిళ సినిమాతో బిజీ అయిపోయాడు. దీంతో అనుష్క తదుపరి సినిమా మాధవన్‌తో ఖరారైపోయింది. అనుష్క పుట్టినరోజు సందర్భంగా అభిమానులకి ఈ విషయాన్ని ప్రముఖ రచయిత కోన వెంకట్ తెలిపారు.
