అక్కినేని నాగచైత‌న్య, సాయి ప‌ల్ల‌వి జంట‌గా శేఖర్ కమ్ముల ద‌ర్శ‌క‌త్వంలో ఓ విభిన్న ప్రేమ‌క‌థా చిత్రం ఇటీవ‌ల ఎనౌన్స్ చేసిన విష‌యం తెలిసిందే. ఈ చిత్రాన్ని పూజాకార్యక్రమాలతో ప్రారంభించారు. సికింద్రాబాద్‌లో గల గణేష్ ఆలయంలో జరిగిన ఈ మూవీ ప్రారంభోత్స‌వంలో హీరో నాగ చైతన్య, హీరోయిన్ సాయిపల్లవి, దర్శకుడు శేఖర్ కమ్ముల మరియు చిత్ర నిర్మాతలు పాల్గొన్నారు.
నాగ చైతన్యకు ఇది 20వ చిత్రం. ఈ మూవీని ఏషియన్ ఫిలిమ్స్, అమిగో క్రియేషన్స్ సంయుక్తంగా నిర్మిస్తున్నాయి. ఈ మూవీ రెగ్యులర్ షూటింగ్ సెప్టెంబర్ మొదటి వారం నుండి ప్రారంభించ‌నున్నారు. డిసెంబ‌ర్ నెలలో ఈ సినిమాని రిలీజ్ చేయ‌నున్న‌ట్టు ఎనౌన్స్ చేసారు. ప్ర‌స్తుతం నాగచైత‌న్య వెంకీ మామ సినిమా చేస్తున్నారు. ఈ సినిమా సెప్టెంబర్ నెలలో ప్రేక్ష‌కుల ముందుకు రానున్న‌ట్టు స‌మాచారం.
