తెలుగు చిత్రపరిశ్రమకు చెందిన ప్రముఖ నటుడు కృష్ణుడుని పోలీసులు అరెస్టు చేశారు. పేకాట ఆడుతుండగా ఆయన్ను అదుపులోకి తీసుకున్నారు. శుక్రవారం రాత్రి మియాపూర్‌లోని ఓ విల్లాపై పోలీసులు దాడి నిర్వహించారు. ఈ సందర్భంగా కృష్ణుడు పేకాట ఆడుతూ చిక్కాడు. ఆయనతోపాటు మరో తొమ్మిది మందిని పోలీసులు అదుపులోకి తీసుకున్నారు.
పేకాటరాయుళ్లను మియాపూర్‌ పోలీస్‌ స్టేషన్‌లో అప్పగించారు. కాగా, నిందితులను వ్యక్తిగత పూచీకత్తుపై పోలీసులు విడిచిపెట్టారు. శనివారం సాయంత్రం విచారణకు రావాలని ఆదేశించారు. కృష్ణుడు వినాయకుడు సినిమాలో హీరోగా నటించిన విషయం తెలిసిందే.
