కింగ్ నాగార్జున తాజా చిత్రం మన్మథుడు 2. ఈ చిత్రంలో నాగార్జున స‌ర‌స‌న రకుల్ ప్రీత్ సింగ్ నటించింది. ఈ చిత్రంలో ఈమె అవంతిక అనే పోర్చుగల్ అమ్మాయిగా నటించింది. అవంతిక టీజర్‌ను చిత్ర యూనిట్ విడుదల చేసిన సంగతి తెలిసిందే. ఈ టీజ‌ర్లో రకుల్ ప్రీత్ సింగ్ పొగ తాగిన‌ట్టు చూపించ‌డంతో సోషల్ మీడియాలో పెద్ద చర్చే జరిగింది.
నేను నిజ జీవితంలో పొగతాగను. మన సోసైటీలో చాలా జరుగుతున్నాయి. కానీ బయట చెప్పాలనుకున్నప్పుడు సమాజం ఏమనుకుంటుందోనని ఆలోచిస్తుంటాం. అవంతిక పాత్ర సిగరెట్ తాగడం గురించి కాదు కదా.. ఓ స్ట్రాంగ్ ఎమోషన్ గురించి చెప్పడానికి చేసిన సినిమా ఇది`` అంటూ ద‌ర్శ‌కుడు రాహుల్‌ని వెన‌కేసుకొస్తూ... అలా చేస్తే తప్పేంటి అంటూ మీడియానే ప్ర‌శ్నిస్తుంది ఈ అమ్మ‌డు.
