టాలీవుడ్ అగ్రనటి సమంత వరుస విజయాలతో దూసుకుపోతుంది. 2016లో విడుదలైన అ..ఆ, జనతా గ్యారేజ్, రాజుగారి గది2, మెర్సల్, రంగస్థలం వంటి సినిమాలు హిట్ టాక్ సొంతం చేసుకున్నాయి. తాజాగా మహానటి కూడా ఆమె ఖాతాలో విజయాన్ని చేర్చింది.
ఇంకా రంగస్థలం, మహానటి, ఇరుంబుతిరై.. హ్యాట్రిక్ అంటూ తెలిపింది. అధికారికంగా తాను ప్రపంచంలోనే అత్యంత సంతోషంగా వున్న అమ్మాయినని ట్వీట్ చేశారు. ఇంకా పోస్టర్‌ను కూడా పంచుకున్నారు.
ఇదిలా ఉంటే, సావిత్రి జీవిత కథా చిత్రం 'మహానటి'లో ఆవిడ జీవిత చరిత్రను విశదీకరించే జర్నలిస్టు పాత్రలో సమంత నటించిన తీరును, మహానటిలో నటించిన ఇతర తారాగణాన్ని అక్కినేని నాగార్జున ప్రశంసించగా, అందుకు కృతజ్ఞతలు చెప్పింది సమంత. ఈ మేరకు తన ట్విట్టర్ ఖాతాలో ఓ ట్వీట్ పెడుతూ "థ్యాంక్యూ మామా... లవ్ యూ" అని ఓ పోస్టును పెడుతూ, నమస్కార ఎమోజీలను ఉంచింది.
